Lefifi

Kobo e ntsho ,
Sepipa matlho ka bubi
Ko o teng roko bo a natefa
Marapo a isiwe go beng…

Bomorwa lefifi bona ba sasanka le mmila
Batletse tletse naga
Go tlhabile kgobe ka mmitlwa
Ba fetogile marubisi
Go aketswana ka matlhale a botshelo

Go sianwa lebelo
Kgaisano e le ya baitsi puo
Sejana sa mofenyi ke pitikipitiki ya bagolo
Go tshamekiwa ka molelo
Nama ya motho e dirwilwe mogwapa
Go tlhabakakiwa,
go monanwa,
go le makgapila kagpila,
sethitho sa ntswa se ela phatlheng

Batsadi ba tsoga ba lela
Ba lelela molora legong le shele maloba
Motho a supa bo mmantiti ka monwana
Go thunya selelo le dilelo
E kete motho o ne arumilwe

Kobo e ntsho,
Sepipa matlho ka bubi
Ko o teng roko bo a natefa
Marapo a isiwe go beng…